Ibilbideak
Xendazaletasuna
Arroitzeko Mendiari Itzulia bidea
Mendiari Itzulia («Vuelta al Monte») bidea Arroitzeko Pasealekuaren eta «Cuesta de la Nevera» basabidearen bidegurutzetik abiatzen da, eta ipar-ekialderantz egiten du 1.200 metrotan zehar, almendrondo, mahasti eta olibondoekin nahasitako belar-laboreen lursailen artean.
Nahi izanez gero, tarte horretan desbideratu, bidezidor bat hartu eta Gasteluzar («Castiluzar») kastrora gerturatzeko aukera dugu, hau da, Brontze Aroko eta Lehen Burdin Aroko antzinako kastro interesgarrira.
Behin Cantoelmonte izeneko barrutira iritsita –erkametzak, larreak eta pinudiak uztartzen dituen bertako landaretza mardulak harritu egingo gaitu–, ezkerreko bide bat hartuko dugu; bidea goranzko norabidean jarraitu eta gailur-lerro eder bat zeharkatuko dugu 700 metroz. Hurrengo bidegurutzean, ezkerreko bidea hartu eta abiapuntura itzuliko gara, beheranzko pista batetik ur-biltegietara bueltatuz. Behin bertan, Pasealekutik jarraituko dugu ibilaldia, Arroitz herriko ikuspegi paregabeez gozatuz, bai herrigunekoak bai udalerriaren hegoaldekoak.
-
3,4 Km
-
90 m
-
Zailtasun fisikoaTxikia
-
Zailtasun teknikoaTxikia
-
Arroitz
Kontuan hartu beharreko datuak
- Xendazaletasuna Ibilbide mota
- Bai Seinaleak
- 3,4 Km Distantzia
- 90 m Metatutako desnibel positiboa
- Txikia Zailtasun fisikoa
- Txikia Zailtasun teknikoa